Mánudagsfiskurinn tekinn á æðra plan á samt svo ótrúlega einfaldan máta!
Þið verðið að prófa þessa uppskrift!
Grillaðir þorskhnakkar í Teriyaki sósu
Fyrir um 4 manns
- 1 kg þorskhnakkar
- 1 stk. kúrbítur
- Vorlaukur
- 1 flaska Sesame ginger Teriyaki Sauce frá Stonewall Kitchen
- Salt + pipar
- Meðlæti: Núðlur eða hrísgrjón (eða bæði) og naan brauð.
- Hitið grillið.
- Skolið og þerrið þorskhnakkana og skerið síðan hvert flak í um þrjá hluta.
- Leggið bitana á pönnu/álbakka með botni eða annað ílát sem má fara á grillið.
- Skerið kúrbítinn niður og dreifið yfir pönnuna.
- Saltið, piprið og hellið Teriyaki sósunni yfir allt.
- Leggið álpappír lauslega yfir og eldið á heitu grilli í 13-15 mínútur eða þar til fiskurinn er tilbúinn.
- Þegar fiskurinn kemur af grillinu má strá niðurskornum vorlauk yfir allt saman.
- Gott er að bera fiskinn fram með soðnum hrísgrjónum og/eða núðlum og setja vel af sósunni úr pönnunni yfir allt saman. Einnig er gott að grilla naan brauð síðustu mínúturnar með fiskinum.
Elska, elska, elska þessa Teriyaki sósu!
Namm!
