Ég hef lengi ætlað að prófa að útbúa svona ávaxtaköku og loksins lét ég verða af því! Þetta var svo gaman og einfalt og verður án efa útbúið aftur á þessu heimili fljótlega!
Hollt, gott og fallegt!
Vatnsmelónukaka með berjum
- 2 x vatnsmelóna
- Driscolls hindber
- Driscolls brómber
- Driscolls jarðarber
- Driscolls bláber
- Fersk blóm að eigin vali
- Byrjið á að skera báða endana af melónunum og leggja þær á bretti.
- Snyrtið eina í einu, skerið börkinn af og mótið „kökubotna“, það þarf að taka lúmskt mikið ofan og neðan af þeim til að ná sléttum hliðum.
- Mótið neðri melónuna stærri en þá efri og stingið síðan 3 grillspjótum ofan í neðri melónu-kökubotninn áður en þið leggið þann minni ofan á svo hún renni ekki af þegar þið farið að skreyta.
- Notið tannstöngla til að festa berin á, mér fannst gott að taka tannstöngul í tvennt fyrir öll ber nema notaði heila fyrir jarðarberin.
- Geymið í kæli fram að notkun en best er að njóta ávaxtakökunnar sem fyrst.
Driscolls berin mín bestu setja punktinn yfir I-ið á þessari skemmtilegu köku.
Þessi færsla er unnin í samstarfi við Gerum daginn girnilegan!
