Það er svo einfalt og gott að útbúa skyrskál heima hjá sér því þá getur maður sett eins mikið af toppings og því sem manni þykir gott á hana! Ég geri reglulega svona þegar stelpurnar koma heim úr skólanum og sem síðdegissnarl. Stundum skipti ég þessu niður í fleiri og minni skálar svo þið getið haft þetta alveg eins og ykkur hentar!
Skyrskál með berjum
Uppskrift dugar í 3-4 skálar
- 1 poki Salling frosin ber (blönduð)
- 1 poki Salling frosin jarðarber
- 3 msk. vanillumjólk
- 1 x stór vanillu KEA skyrdós
- Salling granóla að eigin vali
- Salling hnetusmjör gróft
- Salling döðlur
- Jarðarber + bláber
- Kókosflögur
- Suðusúkkulaði
- Saxið niður suðusúkkulaði (um 20 g) ásamt því að skera niður döðlur, jarðarber og taka allt hráefni til.
- Setjið báða pokana af frosnu berjunum í blandarann ásamt vanillumjólk.
- Blandið vel saman, það þarf að stoppa og skafa niður nokkrum sinnum niður á milli þar til slétt og þykk ávaxtablanda myndast.
- Raðið saman skálinni ykkar: Vanilluskyr í botninn, ávaxtablanda yfir og svo allt hitt eins og hugurinn girnist.
Ég er að elska úrvalið af Salling vörunum og allar þessar góðu granóla poka sem eru í boði! Þessi er æði en þið getið að sjálfsögðu valið þann poka sem ykkur þykir bestur.
