Hér er föstudagspizzan komin í dulbúningi! Ég elska burrata ost og hef gert ýmsar útfærslur af uppskriftum með slíkum osti, hér kemur sú nýjasta og almáttugur þetta var sko gott!
Mmmmm….
Burrata pizzusamloka
Uppskrift miðast við eina pizzu
- 1 kúla pizzadeig
- 1-2 msk. Filippo Berio Virgin ólífuolía
- 1-2 msk. Filippo Berio basilpestó
- 1 lúka klettasalat
- 3-4 sneiðar af hráskinku
- 1 x burrata ostur
- Nokkrir piccolo tómatar
- Söxuð basilíka
- Smá Filippo Berio balsamikgljái
- Salt og pipar
- Hitið ofninn í 230°C.
- Togið deigið til og setjið á bökunarpappír á bökunarplötu.
- Setjið smá virgin ólífuolíu yfir allt deigið, leggið deigið næst saman til helminga og setjið smá olíu yfir aftur, bakið í um 10 mínútur eða þar til brauðið fer að gyllast.
- Takið út, opnið og fyllið með pestó, klettasalati, hráskinku, burrata osti, tómötum, basilíku og setjið síðan smá balsamikgljáa, salt og pipar yfir í lokin.
- Njótið með góðu rauðvínsglasi.
Mæli með að þið prófið þessa dásamlegu pizzu!
Rauðvín og burrata pizza er hin fullkomna blanda!
Þessi færsla er unnin í samstarfi við Gerum daginn girnilegan!
