Það er alltaf gott að koma með súper einfaldar hugmyndir inn á milli. Það elska flestir Rice Krispies og mikil veisluhöld framundan víða, bæði fermingar og útskriftir! Hér kemur krakkavæn hugmynd sem allir ættu að ráða við!
Mmmm….einfalt, fljótlegt og súper gott!
Rice Krispies kubbar með súkkulaðiperlum
Um 30 bitar
- 200 g Síríus suðusúkkulaði
- 50 g smjör
- 200 g sýróp
- 100 g Nóa rjómakúlur
- 170 g Rice Krispies
- Síríus súkkulaðiperlur
- Bræðið suðusúkkulaði, smjör, sýróp og rjómakúlur saman í potti.
- Bætið Rice Krispies saman við og hellið í form/bakka og hafið bökunarpappír undir.
- Þjappið blöndunni í rétthyrning, um 2 cm á þykkt og stráið vel af súkkulaðiperlum yfir, þjappið þeim aðeins niður í blönduna svo þær festist betur.
- Kælið og skerið í bita.
- Fallegt er að raða bitunum á bakka/stand og blanda Nóa nammi (bland í poka) og blönduðum Nóa trítlum á hann í bland við Rice Krispies kubbana.
Sígild uppskrift sem klikkar seint!
Namm!
Fullkominn bakki fyrir veisluna.
