Hamingjan hjálpi mér hvað nýja Nóakroppið með karamellukurli og sjávarsalti er gott! Það var auðvitað ekkert annað í stöðunni en að skella í einhverja svaka hnallþóru með þessari snilld og hér kemur ein sem var undurljúffeng og falleg!
Það er bara eitthvað við marengstertur sem fær mann til að kikna í hnjánum!
Rice Krispies marengsterta með Nóakroppi
Rice Krispies marengs uppskrift
- 4 eggjahvítur
- 220 g sykur
- 60 g Rice Krispies
- 50 g Síríus suðusúkkulaði með karamellu og salti – saxað
- Hitið ofninn í 140°C og teiknið 2 x um 20 cm hringi á sitthvorn bökunarpappírinn í ofnskúffu.
- Þeytið eggjahvítur og sykur saman á meðalhraða þar til topparnir halda sér og sykurinn er uppleystur.
- Vefjið þá Rice Krispies og söxuðu súkkulaðinu saman við með sleikju og skiptið niður í tvo hluta á bökunarpappírana.
- Dreifið úr og mótið hringi, bakið í 60 mínútur og leyfið síðan að kólna niður með ofninum áður en þið fyllið.
Fylling og skreyting
- 600 ml þeyttur rjómi
- 100 g jarðarber (stöppuð)
- 250 g Nóakropp með karamellukurli og sjávarsalti
- 50 g Síríus suðusúkkulaði með karamellu og salti – brætt
- Blandið þeyttum rjóma, stöppuðum jarðarberjum og helmingnum af Nóakroppinu varlveg saman með sleikju.
- Setjið helminginn á milli botnanna og hinn helminginn ofan á seinni botninn.
- Toppið með restinni af Nóakroppinu og bræddu suðusúkkulaðinu.
Namm þetta er klárlega nýja uppáhalds nammið mitt!
Það er fátt sem toppar ljúffengar marengstertur.
