Ballerina kex er mögulega eitt besta kex veraldar og hér er ég búin að útbúa „Ballerina-súkkulaðimús“ því það er aldrei hægt að gera of margar útfærslur af slíkri!
Einföld, fljótleg og súper góð!
Heslinhetusúkkulaðimús
Uppskrift dugar í um 6 skálar/glös
- 180 g Göteborgs Ballerina kex + 6 stykki til skrauts
- 220 g súkkulaði-heslihnetusmjör
- 850 ml rjómi (skipt)
- 3 msk. flórsykur
- Kakóduft til skrauts
- Myljið 180 g af kexi í blandara og skiptið niður í botninn á glösunum.
- Bræðið súkkulaði-heslihnetusmjörið í örbylgju ásamt 50 ml af rjómanum. Hitið við meðalhita í 20 sekúndur nokkru skipti og pískið síðan saman.
- Þeytið 500 ml af rjóma + flórsykur létt á meðan.
- Bætið næst súkkulaðiblöndunni saman við rjómann og þeytið áfram þar til léttþeytt súkkulaðiblanda er tilbúin.
- Hellið/sprautið henni í skálarnar og kælið áður en þið skreytið.
- Þeytið 300 ml af rjóma og sprautið ofan á músina.
- Sigtið smá kakóduft yfir og stingið einu Ballerinakexi í hverja mús.
Ballerina kexið er gott í kökur sem og eitt og sér!
