Það er gaman að útbúa lasagna á þennan hátt, ef lasagna má þetta heita, hahaha! Allir sem þennan rétt smökkuðu voru hrifnir af honum og ég myndi segja þetta væri hinn fullkomni hversdagsmatur.
Mmm…
Pasta-lasagna
Fyrir 6-8 manns
- 900 g nautahakk
- 400 g DeCecco penne pasta
- 1 x Filippo Berio pastasósa með basil (2 x 340 g)
- 150 g Philadelphia rjómaostur
- Rifinn ostur
- 1 laukur
- 3 hvítlauksrif
- Salt, pipar og oregano
- Ólífuolía til steikingar
- Parmareggio Parmesan ostur
- Steikið lauk stutta stund og bætið þá hakki og hvítlauk saman við, steikið og kryddið eftir smekk.
- Sjóðið pasta al dente í vel söltu vatni á meðan.
- Hellið pastasósum yfir hakkið og kryddið meira ef ykkur finnst þurfa og næst pastanu þegar það er tilbúið.
- Takið til stórt eldfast mót eða tvö minni, smyrjið að innan með matarolíu.
- Hitið ofninn í 190°C.
- Hellið fyrra lagi af hakkblöndu í formið, setjið vel af rifnum osti og nokkrar klípur af rjómaosti hér og þar yfir.
- Endurtakið og toppið með vel af rifnum osti, bakið í um 20 mínútur eða þar til osturinn gyllist.
- Njótið sem fyrst og gott er að hafa ferskt salat og hvítlauksbrauð með þessum rétti.
Þessi pastasósa er virkilega góð og notaði ég tvær krukkur í réttinn!
Þessi færsla er unnin í samstarfi við Gerum daginn girnilegan!
