Fyrsti í aðventu og þá er við hæfi að setja inn eins smáköku-uppskrift! Þessi er dásamlega góð og ég mæli sannarlega með því að þið prófið hana fyrir jólin.
Mmm….
Smákökur með karamellu
Um 24 stk
- 150 g smjör við stofuhita
- 200 g púðursykur
- 1 egg
- 2 tsk. vanilludropar
- 230 g hveiti
- 1 tsk. matarsódi
- ½ tsk. salt
- 150 g Síríus súkkulaðidropar (dökkir)
- 100 g Síríus karamellukurl
- 1 poki Nóa Töggur
- 1 msk. rjómi
- 80 g Síríus suðusúkkulaði
- Hitið ofninn í 175°C og setjið bökunarpappír í tvær ofnskúffur.
- Þeytið saman sykur og smjör þar til létt og ljóst.
- Bætið eggi og vanilludropum saman við og þeytið aðeins áfram.
- Blandið þá hveiti, matarsóda og salti saman í skál og hrærið saman við á lágum hraða.
- Að lokum fara súkkulaðidropar og karamellukurl saman við og blandið saman.
- Setjið um 1 msk. af deigi á plötuna fyrir hverja köku og bakið í um 15 mínútur.
- Bræðið saman rjóma og töggur þar til karamellusósa myndast og bræðið suðusúkkulaðið í annarri skál.
- Þegar kökurnar koma úr ofninum má setja bæði karamellu og brætt súkkulaði yfir hverja köku.
- Kælið kökurnar síðan niður þar til súkkulaðið harðnar og karamellan tekur sig aðeins.
Töggur + rjómi = fullkomin karamellusósa
