Það er nákvæmlega ekkert sem getur klikkað hér! Klassísk frönsk súkkulaðikaka slær alltaf í gegn og þessi er dásamlega góð!
Frönsk súkkulaðikaka
Frönsk súkkulaðikaka uppskrift
- 4 egg
- 390 g sykur
- 200 g smjör
- 200 g suðusúkkulaði
- 190 g hveiti
- 2 tsk. vanillusykur
- ½ tsk. salt
- Hitið ofninn í 175°C og setjið bökunarpappír í botninn á um 22-24 cm smelluformi, spreyið það síðan vel að innan með matarolíuspreyi.
- Bræðið saman smjör og súkkulaði og leyfið hitanum að rjúka úr á meðan annað er undirbúið.
- Þeytið saman egg og sykur.
- Hellið súkkulaðibráðinni saman við í mjórri bunu og hrærið saman við á hægum hraða.
- Bætið loks þurrefnunum saman við og blandið stutt saman.
- Hellið í formið og bakið í 50 mínútur (m.v 22 cm form, það má stytta bökunartímann um 5-10 mín fyrir 24 cm form).
- Kælið kökuna síðan alveg áður en þið takið hana úr forminu, útbúið kremið á meðan.
Krem og skreyting
- 120 g suðusúkkulaði
- 50 g smjör
- 3 msk. sykur
- 1 msk. bökunarkakó
- 2 msk. sýróp (í grænu dósunum)
- 30 ml rjómi
- Þeyttur rjómi til að bera fram með
- Ber að eigin vali til að skreyta
- Saxið suðusúkkulaðið gróft og leggið til hliðar.
- Setjið smjör, sykur, bökunarkakó, sýróp og rjóma í pott og hitið að suðu, hrærið vel í allan tímann.
- Lækkið hitann þá niður og hrærið í nokkrar mínútur þar til slétt og samfelld súkkulaðibráð hefur myndast og sykurinn er bráðinn.
- Bætið nú saxaða suðusúkkulaðinu saman við og hrærið þar til það bráðnar.
- Kælið blönduna þar til hún þykknar (tekur um 20 mínútur), gott að hræra í henni reglulega allan tímann og þegar blandan minnir á þykka karamellusósu má smyrja henni yfir kökuna og kæla hana aftur.
- Þegar kremið hefur náð að stífna á kökunni má skreyta hana með berjum og bera fram með þeyttum rjóma.
Allt hráefni í þessa uppskrift fæst í Hagkaup!
