Ef þið viljið vera með vængjakvöld heima þá er þetta algjör snilld!
Mæli svooooo mikið með!
Kjúklingavængir á þrjá vegu
Fyrir 4-5 manns
- Um 3 kg kjúklingavængir
- ½ flaska Sticky Garlic Wing Sauce frá Stonewall Kitchen
- ½ flaska Buffalo Wing Sauce frá Stonewall Kitchen
- ½ flaska Hot Honey Wing Sauce frá Stonewall Kitchen
- Kjúklingakrydd
- Ólífuolía
- Hitið ofninn í 200°C og takið til 3 ofnskúffur/eldföst mót.
- Skerið vængina í sundur á liðamótunum svo þið endið með þrjá hluta, hendið minnsta hlutanum og raðið hinum tveimur í ofnskúffu/eldfast mót (skiptið niður eftir sósutegundum).
- Setjið smá ólífuolíu yfir og vel af kjúklingakryddi, veltið vængjunum upp úr þessu og setjið í ofninn í 30 mínútur.
- Takið þá vængina út örskamma stund, hellið sósunum yfir (í sitthvoru lagi), veltið aftur og eldið að nýju í 10 mínútur. Það má einnig setja smá auka sósu yfir vængina eftir eldun ef þið viljið.
- Gott er að bera vængina fram með frönskum kartöflum og gaman að skreyta með sesamfræjum, vorlauk, ristuðum chillihnetum eða öðru sem ykkur dettur í hug. Einnig er gott að hafa gráðostasósu með buffaló vængjunum og hvítlaukssósu með hinum.
Þessar sósur eru hver annarri betri!
Namm!
