Einfalt og sumarlegt grill sem kitlar bragðlaukana!
Mmmm…
BBQ svínakótilettur
Fyrir um 4 manns
- 4-6 svínakótilettur
- ½ flaska Heinz Sweet BBQ sósa
- 2 msk. Heinz tómatsósa
- Grillkrydd að eigin vali
- 4 bakaðar kartöflur (+ smjör og salt)
- Maísbaunir (+ smjör og salt)
- Salat (spínat, vatnsmelóna, bláber, rauðlaukur, ostakubbur mulinn)
- Köld piparsósa
- Blandið BBQ og tómatsósu saman í skál.
- Hellið um 2/3 af sósunni yfir kótiletturnar og leyfið þeim að marinerast. Geymið restina þar til síðar. Það má gera þetta deginum áður en síðan má líka gera þetta um leið og þið setjið á grillið, bara það sem hentar best. Bragðið verður bara aðeins meira ef maður leyfir þeim að marinerast í kæli í nokkrar klukkustundir en kótiletturnar verða líka mjög góðar þó maður hafi ekki tíma fyrir slíkt.
- Bakið kartöflurnar, undirbúið salatið og hitið gulu baunirnar með smjöri + salti.
- Grillið kótiletturnar í um 5 mín á hvorri hlið og penslið með restinni af BBQ blöndunni þegar þær koma af grillinu.
- Njótið með öllu góða meðlætinu og kaldri piparsósu.
Uppáhalds BBQ sósunni minni blandað með smá tómatsósu og útkoman er ansi ljúffeng.
Namm!
Þessi færsla er unnin í samstarfi við Gerum daginn girnilegan!
