Þetta voru mögulega BESTU bollakökur sem sögur fara af og ekki skemmir fyrir að skreyta þær svona skemmtilega með ljúffengu poppi!
Nokkrum númerum of góðar!
Súkkulaði POPP-bollakökur
Um 20 stk
Bollakökur uppskrift
- 1 x súkkulaði kökumix (ég notaði Betty Crocker Devils Food Cake Mix)
- 4 egg
- 120 ml ljós matarolía
- 250 ml vatn
- 2 msk. bökunarkakó
- 1 x Royal súkkulaðibúðingur (duftið)
- Hitið ofninn í 160°C og takið til um 20 bollakökuform (ég set alltaf pappaform í álform til að kökurnar haldi lögun sinni).
- Hrærið saman egg, olíu og vatn.
- Bætið bökunarkakói og kökumix duftinu saman og og hrærið í um 2 mínútur.
- Í lokin má síðan setja búðingsduftið saman við og hræra stutta stund saman.
- Setjið deigið í stóran zip-lock poka og klippið um 2 cm gat á hornið á pokanum (eða notið ísskeið eða annað sem ykkur finnst þægilegt).
- Fyllið um 2/3 af formunum og bakið í um 20 mínútur, kælið síðan alveg áður en þið setjið krem og popp á.
Súkkulaði smjörkrem og skreyting
- 300 g smjör (við stofuhita)
- 500 g flórsykur
- 4 msk. bökunarkakó
- 100 g Síríus suðusúkkulaði (brætt)
- 2 msk. uppáhellt kaffi (kælt)
- 2 tsk. vanilludropar
- ¼ tsk. salt
- 1 poki Nóa popp
- Þeytið smjörið þar til það verður létt og ljóst.
- Bætið flórsykri, bökunarkakó, bræddu smjöri, vanilludropum og kaffi saman við og blandið vel saman.
- Að lokum má setja saltið og brædda suðusúkkulaðið og hræra vel.
- Setjið í sprautupoka með stórum stjörnustút og sprautið kremi upp í spíral á hverja köku.
- Þekjið síðan krem-spíralinn með Nóa poppi.
Mæli með að þið prófið að skreyta kökur með þessu skemmtilega poppi!
Mmm….
Það er gaman að setja bollakökur í svona auka pappír til að bera þær fram en þennan pappír pantaði ég á Amazon, hef hins vegar líka keypt svona einlitan pappír í Allt í köku.
