Það er fátt betra en djúsí „brownies“ og þessar hérna eru dásamlega góðar!
Namm!
Brownies með tvöföldu súkkulaði
- 170 g smjör
- 100 g Síríus suðusúkkulaði ( brætt)
- 330 g sykur
- 3 egg
- 2 tsk. vanilludropar
- 130 g hveiti
- 80 g bökunarkakó
- ½ tsk. salt
- 100 g Síríus suðusúkkulaði (saxað)
- 100 g Síríus rjómasúkkulaði (saxað)
- Hitið ofninn í 170°C og klæðið ferkantað kökuform (um 25 x 25 cm) að innan með bökunarpappír (svo hægt sé að lyfta kökunni upp).
- Bræðið saman smjör og 100 g suðusúkkulaði og leyfið að rjúka úr blöndunni á meðan annað er undirbúið.
- Þeytið saman egg og sykur þar til blandan verður létt og ljós, bætið þá vanilludropum og smjörblöndunni varlega saman við.
- Næst má sigta hveiti, kakó og salt í skálina og blanda rólega saman við.
- Að lokum fer saxaða súkkulaðið (báðar tegundir) í skálina og blandið létt saman.
- Hellið í formið og bakið í um 30-35 mínútur eða þar til prjónn kemur út með smá kökumylsnu á endanum en ekki blautu deigi.
Suðusúkkulaði er eitt af því sem er ALLTAF til í bökunarskúffunni minni og gerir einfaldlega gott betra!
Svo góðar!
