Námskeið í boði

Tími: um 4 klukkustundir

Farið er yfir það hvernig jafna skuli kökubotna, hvernig kremi er smurt á milli og hvernig hjúpa skal köku fyrir skreytingu. Kennd er svokölluð „watercolor effect“ aðferð með smjörkremi til að hjúpa kökuna. Því  næst er súkkulaðiskraut útbúið og allir þátttakendur læra að útbúa ganaché og smyrja því á kökuna og hvernig hægt er að láta það leka fallega niður hliðarnar. Að lokum skreyta allir sína köku með frjálsri aðferð.

Allt hráefni er innifalið og taka þátttakendur kökuna sína með sér heim

Verð: 18.900kr

Tími: um 3,5 klukkustundir

Farið er yfir það hvernig jafna skuli kökubotna, hvernig kremi er smurt á milli og hvernig hjúpa skal köku fyrir skreytingu. Til viðbótar er farið yfir mismunandi stífleika á kremi fyrir mismunandi skreytingar og kennt að sprauta rósettur og stjörnur (sjá mynd hér fyrir neðan). Að lokum skreyta allir sína köku með ferskum blómum og/eða smjörkremi.

Allt hráefni er innifalið og taka þátttakendur kökuna sína með sér heim

Verð: 18.900kr

Tími: um 3 klukkustundir

Á þessu námskeiði er farið yfir eftirfarandi; Uppskriftir og leiðbeiningar í smjörkremsgerð ásamt mismunandi stífleika á kremi fyrir margvíslegt skraut. Litun á kremi, notkun á pokum&stútum ásamt spraututækni fyrir nokkrar einfaldar og fallegar bollakökuskreytingar. Einnig er farið yfir hvernig hægt er að útbúa einfalt og fljótlegt sykurmassaskraut.

Allt hráefni er innifalið og munu þátttakendur taka sínar bollakökur með sér heim til að deila með þeim sem þeim þykir vænt um

Verð: 15.900kr

Tími: um 4 klukkustundir

Farið er yfir það hvernig jafna skuli kökubotna, hvernig kremi er smurt á milli og hvernig hjúpa skal köku fyrir skreytingu. Nokkur smjörkremsmynstur eru æfð og sýnikennsla fer fram á 4 mismunandi skreytingaraðferðum á heila köku.

Allt hráefni er innifalið og taka þátttakendur kökuna sína með sér heim

Verð: 18.900kr

Hér fyrir neðan eru þær 4 aðferðir sem kenndar eru á námskeiðinu

Tími: um 3 klukkustundir

Farið er í grunnatriði við kökupinnagerð; blöndun á köku&kremi, mismunandi blöndunarmöguleika, mótun bæði á kökukúlum (Cake-Balls) og kökupinnum (Cake-Pops), litun og val á súkkulaði/Candy Melts, hvernig best er að húða kúlur/pinna og nokkrar einfaldar skreytingaraðferðir.

Allt hráefni er innifalið og munu þátttakendur taka nokkra kökupinna með sér heim til að deila með þeim sem þeim þykir vænt um

Verð: 15.900kr

Tími: um 4 klukkustundir

Farið er yfir það hvernig jafna skuli kökubotna, hvernig kremi er smurt á milli og hvernig hjúpa skal köku fyrir skreytingu. Kennt er hvernig „sprunga“ er mynduð á miðri köku með kökuskrauti og hvernig kakan er í framhaldinu fullhjúpuð í kringum hana. Einnig er kennd ákveðin spraututækni með smjörkremi til þess að skreyta kökuna á toppnum og að lokum er sprungan máluð.

Allt hráefni er innifalið og taka þátttakendur kökuna sína með sér heim.

Verð: 18.900kr

Reglulega er boðið uppá barna- og unglinganámskeið í bollakökuskreytingum og kökupinnagerð og eru þau auglýst sérstaklega.

Ef saumaklúbbar, vinnustaðir eða aðrir hópar hafa áhuga þá er í boði að bóka námskeið hjá mér. Ef óskað er eftir þá get ég komið og haldið námskeiðið þar sem hentar hópnum svo lengi sem viss grunnatriði séu til staðar og hópurinn sé á bilinu 11-15 manns.

Námskeiðin fara fram í Mosfellsbæ nema annað sé tekið fram.

Ef þið hafið áhuga á að skrá ykkur eða eru með fyrirspurnir, vinsamlegast sendið mér línu á Facebook eða á gotteri@gotteri.is