Til leigu

Plexistandar á nokkrum hæðum

Plexistandur er tilvalinn í brúðkaup, útskrift, fermingu eða í raun hvaða veislu sem er! Veisluborðið verður tignarlegra og veitingarnar njóta sín betur.

Hægt er að raða hvaða veitingum sem er á standana, hvort sem um er að ræða bollakökur, kökupinna, smárétti, mini hamborgara, snittur eða annað.

Hægt er að velja um ferkantaðan eða hringlaga stand á fjórum hæðum eða íburðarminni hringlaga plexistanda (2 stk í boði) á sex hæðum (sjá myndir hér að neðan) eða ferkantaðan á fjórum hæðum (sjá myndir af öllum stöndum hér fyrir neðan).

Plexistandar á 4 hæðum (stærri gerðin)

Standarnir eru um 50 cm á hæð samansettir (svo bætist kaka/veitingar ofan á hæðina á veisluborðinu).
Neðsta hæðin á ferkantaða standinum er 50 cm breið og efsta 20 cm breið.
Neðsta hæðin á hringlaga standinum er 50 cm í þvermál og efsta 20 cm í þvermál.

Leiguverð er 5500kr.

Hér fyrir neðan eru ýmis sætindi í bland við eina litla köku á toppnum.

Hér á myndinni fyrir neðan eru smáréttir og snittur og efst er ostakúla þar sem ég stakk ostapinnum í 1/2 litla melónu fóðraða álpappír.

Hér má sjá ferkantaða standinn eins og hann var í brúðkaupi með bollakökum og lítilli brúðartertu efst.

Hér fyrir neðan má sjá hringlaga plexistand með bollakökum og einni lítilli köku efst.

Hér er hringlaga standurinn með köku efst og blönduðum sætum bitum á öðrum hæðum.

Plexistandar á 6 hæðum

Hér fyrir neðan má sjá íburðarminni plexistand á sex hæðum en hægt er að skrúfa þá í sundur og velja hversu margar af hæðunum eru notaðar. Heildarhæð er um 50 cm frá borði, um 10 cm er á milli hæða og neðsti hringurinn er 33 cm í þvermál og sá efsti 15 cm í þvermál. Þessi standur hentar vel fyrir minni bita, leiguverð er 4000 kr

Plexistandur á 6 hæðum með smáhamborgunum, þessir standar henta vel fyrir litla smárétti eða litla sæta bita (ekki nægilega stór efsti diskurinn fyrir köku).