Gotterí og gersemar banner

Sykurristaðar möndlur með kanilkeim



Á dögunum gerði ég mína fyrstu tilraun með sykurristaðar möndlur. Ég fann mismunandi uppskriftir á netinu en flestar voru þannig að möndlurnar voru soðnar niður í  heimalöguðu sýrópi þar til sykurinn fer að kristallast. Einnig er hægt að velta þeim upp úr blöndu og rista í ofni og ætla ég næst að prófa þá útfærslu og kanna hvort mér finnst betri.

Þessi aðferð er afar einföld og útkoman yndislega jólaleg og bragðgóð. Við fjölskyldan höfum staðið í möndluskálinni undanfarið og ég útbjó einnig jólalega vanillu ostaköku og saxaði þessar möndlur ofaná hana, lofa þeirri uppskrift einnig inn fyrir jól.

Sykurristaðar möndlur með kanilkeim

  • Þrír bollar heilar möndlur frá Rapunzel með hýði
  • 1,5 bolli vatn
  • 1 ¼ bolli sykur
  • ¼ bolli púðursykur
  • 1 msk kanill
  • ¼ msk negull
  • ½ msk bökunarkakó
  1. Setjið sykur (báðar tegundir), kanil, negul og kakó á pönnu, blandið saman og hellið vatninu yfir.
  2. Hitið á meðalháum hita þar til fer að „bubbla“ og hellið þá möndlunum saman við.
  3. Hér þarf að hræra látlaust í 15-20 mínútur á meðalhita þar til sykurinn fer að kristallast og mynda góðan hjúp á möndlunum.
  4. Þegar það gerist þarf að halda áfram að hræra þar til allur vökvi gufar upp og möndlurnar „þurrkast upp“, síðan færa heitar möndlurnar yfir á bökunarpappír.
  5. Kæla í amk 30-60 mínútur.

One Reply to “Sykurristaðar möndlur með kanilkeim”

Skildu eftir svar

Netfang þitt verður ekki birt. Nauðsynlegir reitir eru merktir *

Fylgstu með á Instagram

Flokkar

0
    0
    Karfan þín
    Karfan er tómNetverslun