Hér er á ferðinni hálfgerður sjeik en samt eiginlega bragðarefur svo hann fékk nafnið Berjarefur „með röri“. Ég notaði fersk bláber og jarðaber í þennan drykk en þeim má án efa skipta út fyrir frosin þó svo ég myndi mæla með að þýða þau fyrst (til að fá ekki of mikinn klaka í drykkinn). Síðan gerir Milka Daim súkkulaðið þennan drykk alveg ómótstæðilegan og á svipstundu er kominn heimatilbúinn bragðarefur fyrir alla fjölskylduna.
Berjarefur með röri
- 1 bolli jarðaber
- 1 bolli bláber
- 800ml vanilluís
- 4msk jarðaberjaíssósa
- 100gr Milka Daim súkkulaði
- 1 bolli mjólk
- Þeyttur rjómi til skrauts.
- Maukið súkkulaðið í blandaranum (matvinnsluvél), setjið til hliðar.
- Maukið saman jarðaber, bláber og jarðaberjasósu í blandaranum, geymið.
- Setjið ísinn og mjólkina í hrærivélina og blandið vel saman á rólegum hraða.
- Hellið berjablöndunni og súkkulaðikurlinu útí þar til blandað.
- Skiptið í 6 glös í svipaðri stærð og myndin sýnir eða færri og stærri og sprautið þeyttum rjóma á toppinn.
Allt hráefni í þessa uppskrift fæst í Nettó
