Þessi dásamlega góða súkkulaðimús hentar vel sem eftirréttur þar sem hún er létt í sér og einstaklega bragðgóð.
Baileys súkkulaðimús uppskrift
- 650 ml rjómi
- 300 gr suðusúkkulaði (gróft saxað)
- 75 gr smjör
- 2 egg
- 5 msk Baileys
- Suðusúkkulaði og þeyttur rjómi til skrauts (um 100gr súkkulaði og 500 ml rjómi)
- Þeytið rjómann (650 ml) vel og setjið til hliðar.
- Bræðið súkkulaðið og smjörið á meðan saman í vatnsbaði.
- Takið súkkulaðiblönduna af pottinum þegar allt er bráðið og þeytið eggin út í með handpískara þar til vel blandað.
- Setjið Baileys út í blönduna og hrærið vel.
- Takið um 2/3 af rjómanum og vefjið saman við súkkulaðiblönduna í litlum skömmtum með sleif þar til vel blandað.
- Hellið 2/3 af þessum hluta af súkkulaðimúsinni í um 8 glös og sléttið flötinn.
- Vefjið þá restinni af rjómanum (1/3) saman við það sem þið skilduð eftir af súkkulaðimúsinni til að útbúa ljósbrúnna lag fyrir næstu umferð og skiptið jafnt á milli glasanna (auðvitað er líka hægt að vefja allan rjómann saman við strax ef þið viljið einlita mús).
- Gott er að slá glasinu lauslega niður í borðið til að slétta músina á milli laga.
- Kælið í nokkrar klukkustundir eða yfir nótt (munið að plasta).
- Þeytið rjóma og sprautið á músina þegar hún hefur stífnað og stráið súkkulaðiskrauti yfir.
Sæl,
Takk fyrir frábæran vef.
Ég ætla að prófa Baileys súkkulaðimúsina með nýja Baileys Tiramisu líkjörnum. 🙂 Mig vantar að vita fyrir hversu marga uppskriftin þín er, finn það ekki.
Með fyrirfram þökk og kveðju
Erla