Ég elska asískan mat og þarf að koma með meira af slíkum réttum hingað inn í vetur.
Þessi réttur er einfaldur, fljótlegur og hollur kostur.
Það má nota hvernig nautakjöt sem er í þennan rétt en oft þegar ég er að gera nautalund kaupi ég aðeins ríflega og sneiði restina svo niður í núðlur daginn eftir.
Asískar núðlur
Fyrir 4-6 manns
- 375 g núðlur (6 „blocks“)
- 500 g nautakjöt
- Brokkolihaus
- 4-5 gulrætur
- ½ blaðlaukur
- Kikkoman soyasósa
- Kikkoman teriyaki sósa
- Hoisin sósa
- Sweet chili sósa
- Ólífuolía
- Salt, pipar, hvítlauksduft
- 100 g ristaðar og saltaðar kasjúhnetur
- Grillið/eldið nautalundina og hvílið á meðan þið útbúið núðlurnar.
- Skerið brokkoli í bita og lauk og gulrætur í strimla.
- Steikið brokkoli og gulrætur á meðalháum hita upp úr vel af ólífuolíu í stutta stund. Hellið 4 msk af vatni og 2 msk af soyasósu á pönnuna og hrærið vel í þar til vökvinn gufar upp.
- Bætið þá lauknum saman við ásamt meira af ólífuolíu og kryddið til með salti, pipar og hvítlauksdufti.
- Blandið á meðan saman í skál 6 msk af Hoisin sósu, 2 msk soyasósu, 2 msk teriyaki og 4 msk sweet chili sósu og hellið yfir grænmetið.
- Sneiðið kjötið í þunna strimla og blandið saman við.
- Sjóðið núðlurnar samkvæmt leiðbeiningum á pakka og hrærið vel saman við í lokin, toppið með kasjúhnetum.
Namm þetta er svo brjálæðislega gott!
Hver og einn getur síðan bætt við soyasósu að vild þegar rétturinn er tilbúinn því sumir vilja meira á meðan aðrir vilja minna.
Fylgist endilega með á INSTAGRAM og merkið @gotterioggersemar ef þið eruð að prófa uppskriftir.
