Gotterí og gersemar

Kúmenbollur



Þar sem það hefur verið örlítið haustlegt fremur en sumarlegt úti undanfarna daga dettur maður pínu í annan gír hvað varðar baksturinn. Í stað þess að gera eitthvað létt, litríkt eða svalandi vill maður helst að útbúa vöfflur með rjóma og heitt súkkulaði í öll mál.

Við mæðgur útbjuggum þessar kúmenbollur í vikunni og þær voru í einu orði sagt dásamlegar!

Uppskriftin er einföld og hægt er að taka bollurnar með sér í ferðalagið, lautarferðina eða skella í frystinn og eiga þegar góða gesti ber að garði.

Kúmenbollur

  • 1 kg hveiti
  • 1 msk salt
  • 1 pk þurrger (12gr)
  • ½ lítri volgt vatn
  • 1 ½ dl matarolía
  • 3msk kúmen
  • Sólkjarnafræ eða önnur fræ til skrauts

  1. Setjið öll þurrefnin í hrærivélaskálina ásamt gerinu og blandið létt saman.
  2. Hellið volgu vatninu og matarolíunni útí og hnoðið rólega með „króknum“ þar til vel blandað.
  3. Stundum hef ég bætt örlítið af vatni útí ef deigið er of þurrt, stráið smá hveiti yfir, setjið rakan klút á skálina og látið hefast í 1 klst.
  4. Hnoðið deigið létt að nýju eftir að það hefur hefast og skiptið niður í 24-28 bollur (þetta eru frekar stórar bollur svo ef þið viljið fleiri og minni er það í fínu lagi)
  5. Raðið á bökunarplötu klædda bökunarpappír og látið hefast að nýju í 30 mínútur.
  6. Penslið með hrærðu eggi, stráið fræjum yfir (ef vill) og bakið í 200 gráður í um 10-12 mínútur eða þar til bollurnar fá gyllta áferð.

Ég var svo heppin að hafa aðstoðarbakara með mér í þetta skiptið og var því útbúið “bollublóm” úr flestum bollunum. Á þessu heimili eru oftar en ekki búnir til ormar, blóm eða aðrar fígúrur úr bollunum og ekki bragðast þær verr með slíku móti 🙂

Bestar nýbakaðar með nóg af smjöri og osti.

Allt hráefni í þessa uppskrift fæst í Nettó

Tags:

One Reply to “Kúmenbollur”

Leave a Reply

Your email address will not be published. Required fields are marked *

Fylgstu með á Instagram