Ég ákvað að prófa eitthvað nýtt í brauðbollugerð um daginn þó svo kúmenbollurnar standi alltaf fyrir sínu.
Ég skoðaði nokkrar erlendar uppskriftir, blandaði svo saman því sem mér leist vel á og þetta varð útkoman.
Uppskrift
- 4,5 dl mjólk
- 1pk þurrger
- 1msk sykur
- 1 lítil dós hrein Óskajógúrt (180gr)
- 1dl blönduð korn (ég notaði blönduð korn, kúmen og sólkjarnafræ)
- 1 ½ tsk salt
- 70gr haframjöl
- 300gr hveiti
- 350gr speltmjöl
Aðferð
- Ylið mjólkina og setjið sykurinn útí ásamt þurrgerinu, leyfið að standa í um 5 mínútur (varist að hita mjólkina of mikið þó)
- Blandið jógúrti saman við blönduna.
- Setjið þurrefnin útí og hnoðið með króknum á hrærivélinni eða í höndunum.
- Látið hefast undir rökum klút á volgum stað í um 1 klst.
- Rúllið deigingu upp í „pylsu“ og skiptið í 25-30 stk, penslið með eggi og stráið sesamfræjum yfir.
- Bakið við 190°C í um 15 mín eða þar til bollurnar fá á sig gylltan lit.
- Bestar eru bollurnar ylvolgar með smjöri og osti.
