Þennan einfalda og góða “Strawberry Milkshake” útbjó ég í gærkvöldi eftir garðstörfin. Ég verð að segja að Snælandsferðir mínar séu í hættu því tilraunastarfsemi í “sjeik-gerð” í Laxatungunni er að koma ansi vel út.
Jarðaberja mjólkurhristingur (2 frekar stór glös)
- 1/2 líter vanilluís
- 1 bolli mjólk (meira eða minna eftir smekk)
- 10 meðalstór jarðaber
- 5 msk jarðaberja-íssósa
- Rjómi og súkkulaðispænir til skrauts
Aðferð
- Maukið jarðaberin ásamt jarðaberjasósunni í blandaranum.
- Setjið ísinn og mjólkina útí í litlum skömmtum þar til allt er vel blandað. Ef gerð er tvöföld uppskrift gæti verið betra að blanda þessu saman í hrærivélarskálinni eftir að berin hafa verið maukuð.
- Hellið í glös, skreytið með þeyttum rjóma og súkkulaðispæni.
Allt hráefni í þessa uppskrift fæst í Nettó og einnig þessar ofur-krúttlegu glerkrúsir!
One Reply to “Jarðaberja mjólkurhristingur”