Jæja, nú er kominn tími á færslu eftir fínt sumarfrí!
Ég veit ekki með ykkur en okkur fjölskyldunni í Mosfellsbænum þykir eiginlega allt sem inniheldur sykurpúða gott!
Þessa hugmynd fékk hún Inga vinkona mín fyrir sumarbústaðarferð vinahópsins fyrr í sumar. Við Inga erum sálufélagar þegar kemur að amerísku góðgæti og einhverju sem inniheldur dass af sykri, veseni, þolinmæði og vitleysu 🙂
Sykurpúðaís
- Vöffluform (betra að sleppa því að hafa súkkulaðihjúpuð form, það bráðnar bara á grillinu)
- Sykurpúðar (stórir klipptir í fernt eða litlir)
- Súkkulaðidropar (eða gróft saxað dökkt súkkulaði)
- Bananar (skornir í bita)
- Gróft mulið hafrakex (notuðum Hobnobs að þessu sinni)
- Setjið gúmelaði að vild í hvert ísform og þjappið vel niður.
- Vefjið álpappír utan um ísformið og grillið í um 5 mínútur á meðalheitu grilli (snúið x1).
- Best er að nota síðan skeið til að gæða sér á þessu góðgæti.
Allt hráefni fyrir þessa hugmynd fæst í Nettó
