Á dögum sem þessum er notalegt að vera inni, baka eitthvað gómsætt og horfa á rigninguna úti. Starfsdagar, fræðsludagar og vetrarfrí eru yfirvofandi og er einmitt einn slíkur í dag hér í Mosfellsbænum.
Eldri dóttir mín er orðin ansi liðtæk í eldhúsinu og bakaði hún ásamt systur sinni kryddbrauð úr Disney bókinni sem var líka svona æðislega gott.
Það eina sem við breyttum í uppskriftinni var að skipta súrmjólk út fyrir AB-mjólk því það var það sem við áttum til í ísskápunum.
Kryddbrauð
- 375 gr hveiti
- 300 gr haframjöl
- 750 ml súrmjólk (við notuðum AB mjólk)
- 200 gr sykur
- 2 tsk matarsódi
- 1 tsk negull
- 1 tsk engifer
- 1 tsk kanill
- Möndluflögur til að strá yfir og olía til að smyrja formið (við notuðum PAM sprey)
Aðferð
- Hitið ofninn 180°C.
- Setjið öll þurrefnin í hrærivélarskálina og notið krókinn til að blanda létt saman.
- Setjið súrmjólkina útí og hrærið þar til blandað en varist að hræra of lengi (þá getur brauðið orðið seigt).
- Spreyið 2 form með PAM matarolíu-spreyi.
- Stráið möndluflögum yfir brauðin (má sleppa).
Bakið í miðjum ofni í um 45 mínútur eða þar til prjónn sem stungið er í brauðið kemur út hreinn.
Við mælum með þessu brauði volgu og með nóg af smjöri og osti 🙂
Allt hráefni í þessa uppskrift fæst í Nettó
