Ég hef reglulega bakað möndluköku eftir uppskrift af www.ljufmeti.com en þar er að finna margar frábærar uppskriftir. Þessi kaka er guðdómlega góð og einföld og upphafleg uppskrift kemur frá Home&Delicius. Það eina sem ég hef breytt er glassúr-uppskriftin. Þar sem mér finnast bollakökur/möffins svo fallegar á borði ákvað ég að yfirfæra þessa uppskrift yfir í lítil sæt pappaform og skreyta með þessum krúttlegu blómum sem ég fékk tilbúin í kökuskreytingardeildinni í Nettó.
Möndlumöffins (um 20-24stk)
- 150 gr mjúkt smjör
- 2 dl sykur – Dansukker
- 4 egg
- 5 dl hveiti
- 4 tsk lyftiduft
- 1 tsk salt
- 2 tsk möndludropar
- 2 dl mjólk
Glassúr
- 6 dl flórsykur
- 5-6 msk heitt vatn
- 1 tsk hindberjadropar
- Matarlitur að eigin vali
- Kökuskaut að eigin vali
Möffins – aðferð
- Hitið ofninn 180°.
- Hrærið saman sykur og smjör þar til létt og ljóst.
- Bætið eggjunum samanvið, einu í einu og skafið niður á milli.
- Bætið þurrefnunum saman við ásamt möndludropum og mjólk.
- Hrærið þar til kekkjalaust.
- Skiptið í bollakökuform, uppskriftin gefur 22-26 bollakökur.
- Bakið í 18-20 mínútur.
Glassúr – aðferð
- Setjið allt saman í skál og hrærið saman þar til kekkjalaust.
- Bætið vatni/flórsykri við eftir þörfum ef ykkur finnst kremið of þykkt/þunnt.
Allt hráefni og kökuskraut í þessa uppskrift fæst í Nettó
