Tilraunastarfsemin heldur áfram……..þessar eru fljótlegri í framkvæmd en Nusco fylltu smákökurnar en um leið yndislegar á bragðið og fallegar.
Nusica smákökur með hvítu súkkulaði
- 120 smjör við stofuhita
- 150gr púðursykur
- 100gr sykur
- 2 egg
- 1 tsk vanilludropar
- 200gr Nusica, milk and hazelnut smjör
- 300gr hveiti
- 1 ½ tsk matarsódi
- 3 msk bökunarkakó
- 1 tsk salt
- 150gr hvítir súkkulaðidropar
- Hitið ofninn í 180°C .
- Þeytið saman smjör og sykur þar til létt og ljóst.
- Bætið eggjunum við einu í einu, hrærið vel og skafið niður á milli og setjið því næst vanilludropana út í.
- Setjið helminginn af Nusica súkkulaðismjörinu út í blönduna á þessu stigi og hrærið vel (geymið hinn helminginn).
- Blandið þurrefnunum saman í skál (hveiti, matarsóda, bökunarkakó og salti) og setjið svo varlega í blönduna og hrærið rólega þar til vel blandað.
- Hellið um 2/3 af súkkulaðidropunum í hrærivélarskálina og blandið létt (geymið restina til að setja ofan á kökurnar síðar).
- Setjið restina af Nusica í skálina og blandið saman við með sleif, alls ekki of mikið því það er fallegt að kökurnar fái á sig smá „marmaraútlit“.
- Takið tæpa matskeið af deigi og rúllið í kúlur og raðið á plötu klædda bökunarpappír og bakið í 11-13 mínútur.
- Raðið restinni af hvítu súkkulaðidropunum á kökurnar þegar þær eru heitar og nýkomnar úr ofninum, þá bráðna þær og gera kökurnar fallegri.
- Uppskriftin gefur um 40 stk af smákökum.
