Gotterí og gersemar

Berjabomba



Þessa uppskrift sá ég í haust og lét loksins verða af því að prófa hana. Hún er ein af þeim fjölmörgu sem Martha Stewart hefur birt á síðunni sinni. Ég breytti henni örlítið og er þetta í raun afar einföld og fljótleg útfærsla á vanillu ostaköku sem ekki þarf að baka þó svo að hún þurfi að standa í ísskáp dágóðan tíma áður en hún er skreytt. Dásamlegu fallegu og bragðgóðu berin toppa hana síðan og verð ég að segja að þessi kaka á vel við hin ýmsu tilefni og hentar fyrir jafnt unga sem aldna.

Botn

  • 1 pk Lu Digestive hafrakex
  • 100 gr bráðið smjör
  • 2 msk sykur
  • ½ tsk salt

Ostakaka

  • 270 gr Philadelphia rjómaostur við stofuhita
  • 130 gr flórsykur
  • 130 gr vanilluskyr
  • 2 tsk vanilludropar
  • Fræ úr einni vanillustöng
  • ¼ tsk salt
  • 350 ml stífþeyttur rjómi

Skraut

  • Driscoll‘s hindber, jarðaber, bláber og rifsber

 

  1. Maukið kexið í matvinnsluvél/blandara.
  2. Blandið sykri og salti saman við og hellið því næst smjörinu yfir og blandið vel.
  3. Þrýstið í botninn á um 25cm hringlaga smelluformi (gott að hafa bökunarpappír undir ef þið ætlið að taka kökuna af álbotninum sjálfum).
  4. Þrýstið um 2-3cm af kexblöndu upp á kantana.
  5. Þeytið rjómaostinn þar til hann verður léttur í sér.
  6. Bætið flórsykri, skyri, vanilludropum, vanillufræjum og salti saman við og blandið vel.
  7. Þeytið rjómann og vefjið honum varlega saman við blönduna.
  8. Hellið yfir botninn, plastið og kælið yfir nótt (amk 8 klst).
  9. Skreytið með berjum og berið fram.

 

Leave a Reply

Your email address will not be published. Required fields are marked *

Fylgstu með á Instagram