Melóna með mozzarella og hráskinku

Hér er á ferðinni dásamlegur forréttur með ítölsku yfirbragði. Þessi réttur myndi reyndar líka sóma sér vel í smáréttarhlaðborði en þá væri hægt að skipta honum niður í minni einingar en hér er gert.

Maschio freyðivínið passaði fullkomlega með þessum rétti.

Melóna með mozzarella og hráskinku

• 1 stk. kantalópu melóna
• 2 dósir Mozzarella perlur (2 x 180 g)
• 10 sneiðar parmaskinka
• 1 lúka fersk, söxuð basilika
• 3 msk Silencio virgin ólífuolía
• 2 msk hunang
• Salt og pipar eftir smekk

1. Helmingið melónuna og hreinsið fræin úr.
2. Búið til melónukúlur með kúluáhaldi.
3. Hellið safanum af mozzarellaperlunum og rífið parmaskinkuna niður.
4. Blandið þá öllum hráefnunum saman í skál, kryddið til með salti og pipar og skiptið niður í minni skálar (þessi uppskrift dugði í 6 litlar skálar sem forréttur).

Þessi réttur er skemmtilegur og fallegur til að bera fram fyrir gesti.

Megið endilega fylgja Gotterí á INSTAGRAM