Hér er á ferðinni ofureinfalt fræhrökkbrauð sem er fullt af góðri orku!
Það er tilvalið að skella í þessa uppskrift og eiga síðan hollt og gott snarl í boxi út vikuna.
Fræhrökkbrauð
- 100 g Til hamingju sólblómafræ
- 100 g Til hamingju graskersfræ
- 100 g Til hamingju sesamfræ
- 40 g Til hamingju chiafræ
- 30 g Til hamingju hörfræ
- 1 tsk. sjávarsalt (+ meira yfir í lokin sé þess óskað)
- 2 tsk. rósmarín eða annað krydd sem þið óskið (má líka sleppa)
- 370 ml vatn
- Hrærið fræjum og kryddum saman.
- Hellið vatninu yfir, blandið vel og leyfið að standa í um 30 mínútur og hrærið nokkrum sinnum upp í blöndunni á meðan.
- Setjið bökunarpappír í tvær ofnskúffur, skiptið blöndunni til helminga og dreifið úr henni. Gott er að setja annan bökunarpappír ofan á og rúlla út með kökukefli eða með höndunum.
- Blandan má vera um 4 mm þykk og hvor blanda þekur rúmlega helming bökunarplötunnar. Gott er að strá smá sjávarsalti yfir blönduna áður en hún fer í ofninn.
- Bakið við 160°C í um 1 klukkustund og 10 mínútur.
- Takið úr ofninum, leyfið að kólna í um 30 mínútur og brjótið síðan niður.
Yndislegu Til hamingju vörurnar eru nú komnar í nýjar umbúðir svo nú er enn auðveldara að finna þær í næstu verslun.
Megið endilega fylgja Gotterí líka á INSTAGRAM
