Þetta dásamlega sumar kallar á dásamlegan grillmat, helst alla daga!
Hamborgarar eru eitthvað sem er einfalt og fljótlegt að grilla og slík stórveisla þarf sannarlega ekki að vera flókin. Hér grillaði ég borgara og kótilettur í bland með bernaise sósu og frönskum kartöflum.
Mér finnst alltaf best að versla hamborgara úr kjötborði og þá ýmist 200 eða 140 gramma fyrir fullorðna fólkið og svo duga 90 g borgararnir vel fyrir börnin.
Ég notaði Bezt kryddin í þessa máltíð, Bezt á borgarann fyrir hamborgarana, Bezt á lambið fyrir kótiletturnar og hvítlauksblönduna Bezt á flest fyrir franskarnar, nammi namm! Þess ber að geta að þessi BEZT þrenna er einmitt á tilboði í Krónunni um þessar mundir svo ég mæli með þið náið ykkur í eina slíka!
Toro bernaise sósan toppaði þetta síðan allt saman en hana setti ég bæði á hamborgarana ásamt því sem hún hentaði afar vel með kótilettunum.
Bernaise borgarar og kótilettuveisla
Hamborgarar
- 4 stk hamborgari + brauð
- 1 pk Toro bernaise sósa
- Bezt á borgarann krydd
- 4 ostsneiðar
- Kál, tómatar, paprika, rauðlaukur, súrar gúrkur
- Útbúið bernaise sósu samkvæmt leiðbeiningum á pakka og leggið til hliðar, hrærið reglulega í henni á meðan annað er útbúið.
- Grillið hamborgara, kryddið með vel af Bezt á borgarann og setjið ostsneið á hvert kjöt.
- Skerið grænmetið niður og raðið að lokum á borgarann ásamt vel af bernaise sósu.
Kótilettur
- Lambakótilettur
- Bezt á lambið krydd
- Franskar og bernaise sósa
- Hitið franskar í ofninum á meðan borgarar og kótilettur er eldað.
- Kryddið kótiletturnar með vel af Bezt á lambið kryddinu og grillið á vel heitu grilli.
- Berið fram með frönskum og bernaise sósu.
Þið megið endilega fylgja Gotterí á INSTAGRAM
