Þessi réttur er ein mesta snilld sem til er og einn af mínum uppáhalds á veitingahúsum. Það er hins vegar ekkert mál að útbúa svona sjálfur heima og þetta er fullkomið snarl á milli mála, sem smáréttur á hlaðborði, forréttur eða hvað sem er.
Hvernig væri að prófa þessar baunir eftir vinnu síðdegis í stað þess að detta í óhollustuna?
Edamame baunir
- 1 poki frosnar edamame baunir (um 400 g)
- 4 msk. Kikkoman soyasósa
- 2 msk. Til hamingju sesamfræ
- 2 hvítlauksrif
- 1 msk. sykur
- 2 msk. ólífuolía
- 1 tsk. salt
- ½ tsk. chiliflögur
- Sjóðið baunirnar í um 5 mínútur og sigtið vatnið frá.
- Saxið hvítlauksrifin niður og steikið á meðalhita í ólífuolíunni í nokkrar mínútur.
- Bætið soyasósu og sykri á pönnuna og hitið saman.
- Næst má hella baununum yfir, lækka hitann og hræra aðeins saman þar til þær drekka vökvann vel í sig.
- Að lokum má krydda með salti, chiliflögum og strá sesamfræjum yfir. Gott er að saxa chiliflögurnar vel niður áður en þeim er blandað saman við.
Edamame baunir fást frosnar í pokum í flestum matvöruverslunum.
Megið endilega fylgja Gotterí á INSTAGRAM
