Dagurinn í dag kallar á góðan eftirrétt…..já eða helst bara allir dagar ef ég fengi að ráða, hahahaha!
Prince Polo er auðvitað æðislegt og að nota það í mjólkurhristing er eitthvað sem ég skil ekki af hverju ég hef ekki prófað fyrr!
Prince Polo sjeik
Uppskriftin dugar í 3-4 glös (eftir stærð)
- 3 x 35 g Prince Polo (+ eitt til viðbótar í skraut)
- 1 líter vanilluís
- 200 ml nýmjólk
- 1 msk. Cadbury bökunarkakó
- 5 msk. súkkulaði íssósa
- 3 msk. sýróp
- Þeyttur rjómi (um 150 ml)
- Mini sykurpúðar, ískex og niðurskorið Prince Polo til skrauts
- Byrjið á því að setja þrjú Prince Polo í matvinnsluvél og mauka alveg niður, leggið til hliðar.
- Hellið sýrópinu á disk/skál og dýfið kantinum á glösunum í sýrópið og því næst í Prince Polo mylsnuna (til að fá Prince Polo kant), snúið uppréttum og geymið. Restin af mylsnunni fer síðan í drykkinn sjálfan. Sprautið einnig smá súkkulaðisósu í hliðarnar og þá eru glösin tilbúin fyrir sjeikinn.
- Hrærið saman ís, mjólk, kakó og súkkulaðisósu þar til silkimjúkur súkkulaðisjeik hefur myndast. Hrærið þá restinni af Prince Polo mylsnunni saman við og skiptið niður í glösin.
- Setjið þeyttan rjóma ofan á hvert glas og skreytið að lokum með litlum sykurpúðum, Prince Polo bitum, smá súkkulaðisósu og ískexi.
Mmmmmmmmmm…..
Megið endilega fylgja Gotterí líka á Instagram
