Á dögunum kom nýr Mozzarella ostur með basilíku á markað frá MS og drottinn minn hvað hann er mikil snilld! Það er hægt að nota hann í ýmsa rétti og prófaði ég nokkrar uppskriftir með honum. Hér er hann beint upp úr öskjunni í undursamlegu pastasalati sem kláraðist á núll einni! Salatið er einfalt, fljótlegt og hollt, hvað er hægt að biðja um meira!
Pastasalat með mozzarella
- 500 g pastaskrúfur
- 5 msk. grænt pestó
- 3 msk. virgin ólífuolía
- 1 tsk. gróft salt
- 250 g kirsuberjatómatar
- 2 öskjur af mozzarellakúlum með basilíku
- 1 bréf hráskinka
- Söxuð basilíka
- Sjóðið pastaskrúfur samkvæmt leiðbeiningum á pakka, skolið vel og kælið aðeins niður.
- Hrærið saman pestó, ólífuolíu og salti og blandið varlega saman við pastaskrúfurnar með sleif.
- Skerið niður kirsuberjatómata og blandið þeim ásamt mozzarellakúlum og hráskinku saman við pastað.
- Stráið að lokum ferskri basilíku yfir allt saman og njótið.
Þetta pastasalat er borið fram kalt og því auðvelt að geyma afganginn eða taka með í nesti, fjallgönguna eða hvað eina.
Mig grunar þessi Mozzarella ostur verði keyptur ansi reglulega á þessu heimili í það minnsta.
Megið endilega fylgja Gotterí líka á INSTAGRAM
