Gotterí og gersemar banner

Ostastangir



⌑ Samstarf ⌑
Heimagerðar ostastangir úr grillosti með sítrónudressingu

Hér eru á ferðinni stökkar ostastangir eða nokkurs konar ostafranskar úr grillosti. Þetta var skemmtileg útfærsla af „Halloumi fries“ og dressingin dásamleg með.

Heimagerðar ostastangir úr grillosti með sítrónudressingu

Ostastangir – uppskrift

Um 20 ostastangir

Ostastangir

  • 1 stykki grillostur frá Gott í matinn (260 g)
  • 50 g hveiti
  • 1 msk. chilikrydd
  • 1 msk. salt
  • Matarolía til steikingar
  1. Skerið ostinn í lengjur og blandið þurrefnunum saman í skál og veltið ostastöngunum vel upp úr blöndunni.
  2. Hitið olíu í djúpum potti og djúpsteikið síðan ostinn við meðalháan hita þar til stangirnar verða gylltar að utan. Lyftið honum þá upp úr og yfir á pappír til að olían leki vel af þeim.
  3. Berið ostastangirnar fram heitar með sítrónudressingu (sjá uppskrift hér að neðan).

Sítrónudressing

  • 100 g grísk jógúrt frá Gott í matinn
  • 100 g sýrður rjómi frá Gott í matinn
  • 2 msk. sítrónusafi
  • 1 msk. rifinn sítrónubörkur
  • 1 tsk. chilikrydd
  • 1 msk. söxuð sítrónumelissa (má sleppa)
  • Salt og pipar eftir smekk
  1. Blandið öllu saman í skál og berið fram með ostastöngunum.
Heimagerðar ostastangir úr grillosti með sítrónudressingu

Ég hef ekki áður rekist á ferska sítrónumelissu í búðinni. Hún lítur svipað út og mynta og er búin að lifa lengi í pottinum sem ég setti hana í eftir að ég gerði þessa uppskrift. Lyktin af henni er dásamleg og hægt að nota hana í ýmsa matargerð.

Heimagerðar ostastangir úr grillosti með sítrónudressingu

Megið endilega fylgja Gotterí líka á INSTAGRAM

Skildu eftir svar

Netfang þitt verður ekki birt. Nauðsynlegir reitir eru merktir *

Fylgstu með á Instagram

Flokkar

0
    0
    Karfan þín
    Karfan er tómNetverslun