Mozzarella pizza er alltaf klassísk og með nýja mozzarella ostinum með basilíku varð hún enn betri!
Basilíku mozzarella pizzur
Uppskriftin dugar í fimm 10“ pizzur
Botnar
- 700 g hveiti
- 1 pk þurrger
- 2 tsk. salt
- 400 ml volgt vatn
- 4 msk. ólífuolía
- Setjið hveiti, þurrger og salt í skál og blandið saman.
- Hafið vatnið ylvolgt og hellið því saman við þurrefnin ásamt olíunni og blandið saman með króknum.
- Hnoðið að lokum aðeins saman í höndunum og setjið í skál sem búið er að pensla með matarolíu, veltið deiginu um, plastið og leyfið að hefast í um klukkustund.
- Skiptið því síðan niður í 5 hluta og fletjið út áður en áleggið er sett á.
Álegg
- Pizzasósa
- Rifinn pizzaostur frá Gott í matinn (2 pokar)
- 3 öskjur Mozzarellakúlur með basilíku frá MS
- 5 tómatar
- 5 tsk. grænt pestó
- 5 tsk. virgin ólífuolía
- Klettasalat
- Furuhnetur
- Rifinn Feykir ostur
- Fersk basilíka
- Hitið ofninn í 220°C.
- Byrjið á því að smyrja pizzasósu yfir alla botnana (magn eftir smekk) og stráið rifnum pizzaosti þar næst yfir allt.
- Næst má skera tómatana í sneiðar og raða þeim ásamt mozzarellakúlunum jafnt á pizzurnar.
- Bakið við 220°C í um 12-15 mínútur og undirbúið annað álegg á meðan.
- Blandið saman pestó og ólífuolíu og setjið óreglulega yfir pizzurnar þegar þær koma úr ofninum.
- Að lokum má setja klettasalat, furuhnetur, rifinn Feyki ost og ferska basilíku eftir smekk.
Einfalt og gott!
Megið endilega fylgja Gotterí líka á INSTAGRAM
