Mína mús

Mína mús

• Kældar kökukúlur
• Kökupinnaprik
• Rautt og svart Candy melts
• Kökuskraut

Aðferð

• Útbúið kökukúlur sem ykkur þykja góðar (hér má finna aðferð og hugmyndir)
• Stingið hníf sitthvoru megin á topinn til að rýma til fyrir eyrunum.
• Mátið eyrun ofaní „holuna sína“ og lagið kúluna til svo hún verði áfram hringlaga.
• Dýfið 1stk af Candy melts í brætt súkkulaðið og festið á sinn stað – kælið.
• Þegar eyrun eru orðin föst á sínum stað (tekur um 15-30 mínútur) er haldið í þau og neðri hlutanum dýft í rautt bráðið súkkulaði og pinnanum stungið í strax, umfram súkkulaði hrist af eins og venjulega en reynið að halda línunni (um það bil helmingur kúlunnar) og setjið hvítt hringlaga kökuskraut/perlur á „búkinn“ áður en hann storknar (hér má líka sprauta á hvítu súkkulaði í doppur þegar þornað). Stingið í frauðplast og látið storkna.
• Áður en efri hlutanum er dýft í svart Candy Melts set ég hvern pinna í frystinn í 5-10 mínútur til að koma í veg fyrir að eyrun „bráðni“ af þegar dýft er í volgt súkkulaði. Dýfið svarta hlutanum alveg að rauða hlutanum og helst örlítið uppá brúnina svo kökukúlan hjúpist alveg og ekkert loft komist út.
• Það getur reynst snúið að hafa efri hlutann jafnan báðu megin en best þykir mér að slá umfram súkkulaðið af á hlið (bara passa uppá miðlínuna) og einbeita mér svo að því að hafa framhlutann sléttari en þann aftari (vel fallegri hlið búksins til að meta þetta). Setja þarf slaufuna á áður en súkkulaðið storknar og að þessu sinni notaði ég stór hjörtu og eina perlu sem eru kökuskraut, alveg hægt að nota blóm, sykurmassaskraut eða annað líka.