Ef ykkur vantar eitthvað fljótlegt, fallegt og gott þá mæli ég með þessum!
Toppar
- 4 stk eggjahvítur
- 250 g sykur
- 100 g gróft kókosmjöl frá “Til hamingju”
Skraut
- 250 g suðusúkkulaði
- 2-3 jólastafir
- Stífþeytið saman eggjahvítur og sykur þar til topparnir halda sér.
- Vefjið kókosmjölinu saman við með sleif.
- Sprautið væna toppa með stórum stjörnustút á bökunarplötu.
- Bakið í um 30 mínútur við 150°C.
- Kælið, bræðið suðusúkkulaðið og myljið jólastafina.
- Dýfið botninum á toppunum í súkkulaði og stráið brjóstsykri á hliðarnar, setjið á bökunarpappír og leyfið að storkna.
