Þessa pizzu útbjó ég í fyrra og fann við yfirferð á myndum í tölvunni minni. Já krakkar mínir það eru á leiðinni fleiri gamlar færslur þar sem eitt og annað hefur gleymst í myndaflóðinu hjá mér!
Ítölsk pizza uppskrift
Pizzabotn
- 10 dl hveiti
- 1 poki þurrger
- 2 tsk salt
- 4 dl volgt vatn
- 3 msk matarolía
Álegg
- Pizzaostur frá Gott í matinn
- 2 dósir Mozzarellaperlur
- 4 tómatar skornir í sneiðar
- Pizzasósa
- Klettasalat
- Fersk basilika
- Balsamic glaze
- Þurrefnin hrærð saman og volgu vatni og matarolíu blandað saman við.
- Hrært með króknum þar til falleg kúla hefur myndast.
- Spreyið stóra skál með matarolíu, veltið deiginu upp úr, plastið og leyfið að hefast í 1 klst.
- Skiptið deiginu niður í 5 minni pizzur (um 25 cm í þvermál).
- Smyrjið með pizzasósu, stráið pizzaosti yfir botninn, sneiddum tómötum og mozzarellaperlum.
- Bakið við 220°C í um 12-15 mínútur.
- Dreifið þá klettasalati og ferskri basiliku yfir pizzuna og smá balsamic glaze.
