Grillaðir bananar með súkkulaði hafa lengi verið vinsælir á mínu heimili. Í gegnum tíðina höfum við gert ýmsar útfærslur af þessu góðgæti og hér kemur enn ein hugmyndin fyrir ykkur að njóta.
Fylltir bananar á grillið
Fyrir 4 manns
- 4 bananar (meðalstórir)
- 100 g Milka Daim súkkulaði
- Litlir sykurpúðar
- Oreo Crumbs með kremi
- Driscolls jarðaber
- Driscolls bláber
- Driscolls hindber
- Skerið endana af banönunum og því næst vasa í þá miðja eftir endilöngu. Fjarlægið síðan þann hluta af banananum (þetta um 1/5 af honum) og fyllið með Milka súkkulaði og sykurpúðum (ég kom 5 Milka bitum í hvern banana og nokkrum sykurpúðum).
- Útbúið nokkurs konar hreiður úr álpappír og komið banananum fyrir ofan á því (sjá mynd).
- Grillið á meðalheitu grilli í nokkrar mínútur eða þar til sykurpúðarnir fá á sig dökkan hjúp og súkkulaðið er bráðið.
- Stráið Oreo crumbs yfir hvern banana ásamt berjum.
Stökkir sykurpúðar og Oreokex í bland við volgan banana, bráðið súkkulaði og ber…..namm!
Hver fær staðist svona bita?
Megið endilega fylgja Gotterí líka á INSTAGRAM
