Pabbi minn hefur búið þessa köku til óralengi og var því kominn tími til að ég myndi prófa hana. Hún er dásamlega létt í sér, falleg og tilvalin með kaffinu.
Kanilkaka með eplum og möndlum uppskrift
- 150 gr smjör við stofuhita
- 170 gr sykur
- 60 gr púðursykur
- 3 egg
- 250 gr hveiti
- 1 tsk lyftiduft
- 1 tsk kanill
- ¼ tsk negull
- 1 ½ – 2 epli
- 4 msk Til hamingju möndluflögur
- Kanilsykur (3 msk sykur og 1 msk kanill)
- Hitð ofninn 175°C
- Þeytið saman báðar tegundir af sykri og smjör þar til létt og ljóst.
- Bætið eggjunum saman við, einu í einu og skafið niður á milli.
- Blandið saman hveiti, lyftidufti, kanil og negul og setjið saman við í litlum skömmtum.
- Smyrjið vel hringlaga smelluform (um 22 cm í þvermál) og jafnið deigið í forminu.
- Flysjið eplin, kjarnhreinsið og skerið í þunnar sneiðar, raðið sneiðunum þétt í hringi og stráið að lokum möndluflögum yfir allt saman.
- Bakið í um 40 mínútur eða þar til prjónn kemur út með engri kökumylsnu á.
- Kakan er dásamleg volg með ís/rjóma.
