Gotterí og gersemar

Engiferkökur og heitt súkkulaði



⌑ Samstarf ⌑
Heitt súkkulaði og engiferkökur

Ég verð að viðurkenna að ég datt í smá jólaskap þegar ég var að gera þessa færslu. Þessar engiferkökur eru æðislegar og fullkomnar í haustveðrinu með heitu súkkulaði.

Heitt súkkulaði með kanil

Þetta heita súkkulaði er með smá kanil- og engiferkeim og passar ótrúlega vel með þessum dásamlegu kökum.

Engiferkökur

Engiferkökurnar eru stökkar að utan og mjúkar að innan, alveg eins og það á að vera!

Engiferkökur

Rúmfatalagerinn selur þessa undurfallegu bolla og skálar ásamt öðru sem er hér á myndunum. Þegar ég fór í heimsókn þangað á dögunum sá ég að það er mikið nýtt og skemmtilegt til í búðinni og ég er nokkuð viss um að jólavörurnar voru að byrja að streyma í hús svo það má alveg leyfa sér að fara í smá jólaskap þó rúmir tveir mánuðir séu til jóla!

Hér finnið þið linka á vörurnar í þessari færslu:

Heitt kakó

Engiferkökur

Um það bil 45 stykki

  • 250 g smjör við stofuhita
  • 460 g púðursykur
  • 2 egg
  • 2 tsk. vanilludropar
  • 500 g hveiti
  • 2 tsk. lyftiduft
  • 1 tsk. matarsódi
  • 2 tsk. kanill
  • 1 tsk. negull
  • 1 ½ tsk. engiferduft
  • ½ tsk salt
  • Sykur til að rúlla upp úr
  1. Setjið öll þurrefnin í skál fyrir utan púðursykur og leggið til hliðar.
  2. Þeytið saman púðursykur og smjör þar til létt og ljóst.
  3. Bætið eggjunum saman við einu í einu og skafið vel niður á milli, þeytið vel.
  4. Bætið vanilludropunum við og því næst öllum þurrefnunum í nokkrum skömmtum og hnoðið aðeins í lokin.
  5. Kælið deigið í 30-60 mínútur.
  6. Rúllið í kúlur (um það bil matskeið á stærð), þrýstið létt ofan á þær og rúllið upp úr sykri.
  7. Bakið við 200 °C í um 10 mínútur.

Heitt súkkulaði með kanilkeim

Uppskriftin dugar í 2 bolla

  • 400 ml nýmjólk
  • 80 g suðusúkkulaði
  • 2 tsk smjör
  • ½ tsk. kanill
  • ¼ tsk. engiferduft
  • Þeyttur rjómi
  1. Hitið mjólk, súkkulaði og smjör saman þar til bráðið.
  2. Setjið kanil og engiferduft saman við og blandið vel, hellið í glös og setjið þeyttan rjóma yfir.

Megið endilega fylgja Gotterí á INSTAGRAM

Leave a Reply

Your email address will not be published. Required fields are marked *