Gotterí og gersemar

Hollustusæla



⌑ Samstarf ⌑
Hollusta í skál, hollari eftirréttur, hollir eftirréttir, hrákaka, ostakaka

Það má sannarlega gera hollari útgáfur af eftirréttum inn á milli og þessi hér er klárlega slíkur. Hér eru súkkulaði- og jógúrthúðaðir ávextir og hnetur í bland við hnetur, möndlur og fleira sett í matvinnsluvél fyrir botninn og síðan létt jarðaberja ostakaka, rjómi og jarðaber sett þar ofan á, namm þetta var svoooo gott!

Hollusta í skál, hollari eftirréttur, hollir eftirréttir, hrákaka, ostakaka

Það mætti alveg skipta uppskriftinni niður í smærri skálar til að fá fleiri en þessi blanda er virkilega góð og hægt að borða með betri samvisku en margt annað.

Hollusta í skál, hollari eftirréttur, hollir eftirréttir, hrákaka, ostakaka

Hollustusæla

Uppskriftin dugar í um sex skálar

Mulningur í botninn

  • 200 g Til hamingju hnetur og ávextir með súkkulaði og jógúrthúð
  • 90 g Til hamingju döðlur
  • 50 g Til hamingju möndlur með hýði
  • 50 g Til hamingju pekanhnetur
  • 20 g Til hamingju kókosflögur
  • 1 banani
  1. Setjið allt nema banana í blandara/matvinnsluvél og tætið niður í grófan mulning.
  2. Stappið þá bananann og bætið honum út í og blandið aftur stutta stund.
  3. Setjið kúfaða matskeið í botninn á nokkrum litlum skálum og útbúið næst ostakökuna til að setja ofan á.

Ostakaka

  • 260 g rjómaostur við stofuhita
  • 70 g flórsykur
  • 1 tsk. vanillusykur
  • 250 g maukuð fersk jarðaber
  • 300 g stífþeyttur rjómi
  1. Þeytið saman rjómaost, flórsykur og vanillusykur.
  2. Vefjið þá jarðaberjamaukinu saman við og því næst rjómanum.
  3. Setjið í stóran zip-lock poka og skiptið niður í skálarnar.
  4. Hægt er að plasta og kæla kökuna á þessu stigi og skreyta síðar (í lagi að geyma yfir nótt).

Rjómi og skraut

  • 150 g þeyttur rjómi
  • Gróft saxaðar Til hamingju hnetur og ávextir með súkkulaði og jógúrthúð
  • Fersk jarðaber
  1. Sprautið smá af þeyttum rjóma í miðjuna á hverri köku.
  2. Stráið hnetum og ávöxtum yfir og að lokum fersku jarðaberi.
Hollusta í skál, hollari eftirréttur, hollir eftirréttir, hrákaka, ostakaka

Það passaði mjög vel að nota þessa blöndu í botninn ásamt fleiru þar sem súkkulaði- og jógúrthúðin kemur með bragð sem fer einstaklega vel með jarðaberjablöndunni.

Hollusta í skál, hollari eftirréttur, hollir eftirréttir, hrákaka, ostakaka

Megið endilega líka fylgja Gotterí á INSTAGRAM

Leave a Reply

Your email address will not be published. Required fields are marked *

Fylgstu með á Instagram