Þrátt fyrir að ég sé gjarnan að eyða miklum tíma í kökuskreytingar þá elska ég einfaldleikann inn á milli.
Þessar sítrónu-bollakökur með glassúr galdrast fram án fyrirhafnar og eru ofsalega krúttaralegar og sætar – já og sumarlegar!
Sítrónu bollakökur uppskrift
Hráefni
- 2 Egg
- 250 ml Mjólk
- 80 g Smjör brætt og kælt
- Sítrónubörkur rifinn af einni sítrónu
- 260 g Hveiti
- 1,5 tsk Lyftiduft
- 120 g sykur
Glassúr:
- um 300 gr Flórsykur
- 2-3 msk Vatn
- 2-3 Sítrónudropar eða sítrónusafi, þá um 1/2 tsk (getið blandað flórsykur og vatn eins og ykkur hentar – sumir vilja þykkt, aðrir þunnt =)
- Matarlitur ef þess er óskað
Aðferð
-
Hrærið egg stutta stund, blandið svo mjólk og kældu bræddu smjöri varlega samanvið.
-
Bætið sítrónuberkinum við….
-
Því næst hveiti, lyftiduft og sykur blandað saman við smátt og smátt (gott að setja það 3 saman í skál fyrst)
-
Bakað við 200 gráður í um 10-15 mín, varist að ofbaka ekki =)
Sólarkveðja,
Berglind
2 Replies to “Sítrónu bollakökur”