Buffalóvængir og gráðostasósa er tilvalinn réttur í veisluna og getur verið einn af réttum á hlaðborði, sem forréttur eða bara sem partýsnarl.
Buffaló kjúklingavængir með gráðostasósu uppskrift
- 1 pk kjúklingavængir
- 1 pk kjúklingakjuðar
- 1 flaska buffalósósa
- 3 msk lyftiduft
- 3 msk hvítlaukskrydd
- 2 msk paprikukrydd,
- Salt og pipar
- Gráðostasósa frá E. Finnsson
- Sellerí
Buffaló kjúklingavængir með gráðostasósu aðferð
- Hitið ofninn 225°C
- Þerrið kjúklinginn.
- Blandið lyftidufti og kryddum saman í skál og veltið kjúklingnum upp úr blöndunni þar til hún hefur dreifst vel á alla bitana.
- Raðið bitunum á grind og setjið álpappír undir til að grípa fituna.
- Stráið smá ólífuolíu yfir bitana og hitið í um 25 mín, snúið þá og hitið í svipaðan tíma á hinni hliðinni eða þar til þeir eru orðnir gylltir og stökkir.
- Penslið buffalósósunni á vængina og berið fram með gráðostasósu og sellerí.
Nammi þetta var svooooo gott!
Þessi færsla var unnin í samstarfi við Vogabæ.
