Þessar frábæru súkkulaðibitakökur bakaði ég um daginn og þeim má klárlega skella á listann fyrir jólin!
Súkkulaðibitakökur uppskrift
- 160 gr gróft saxað suðusúkkulaði
- 20 gr bökunarkakó
- 140 gr púðursykur
- 80 gr Majónes frá E. Finnsson
- 2 egg
- 2 tsk vanilludropar
- 300 gr hveiti
- ½ tsk matarsódi
- ¼ tsk salt
- 70 gr hvítir súkkulaðidropar
- Bræðið suðusúkkulaði og leggið til hliðar.
- Þeytið saman bökunarkakó, sykur, egg, vanilludropa og majónes.
- Blandið bræddu suðusúkkulaðinu saman við.
- Sigtið því næst hveiti, matarsóda og salt saman og blandið saman við í litlum skömmtum.
- Deigið verður stíft, setjið hveiti á hendurnar og rúllið því saman í lengju. Kælið í að minnsta kosti 2 klukkustundir eða yfir nótt.
- Skiptið lengjunni upp í um 22 bita, rúllið upp og þrýstið létt á hverja kúlu áður en hún er bökuð.
- Bakið við 180°C í um 22-25 mínútur.
