Það hentar frábærlega vel að bjóða upp á bruschettur í veislum og ekki er nú verra ef þær eru einfaldar, bragðgóðar og fljótlegar að útbúa.
Hér fyrir neðan eru tvær útfærslur af bruschettum sem sniðugt er að bjóða upp á sem smárétt, forrétt eða í raun hvenær sem er.
Bruschetta með ólífuolíu, pestó, brie osti, salami og basiliku
Bruschetta með ólífuolíu, tapenade, brie osti, hráskinku og brómberi
Aðferð
- Hitið ofninn í 200°C
- Skerið snittubrauð skáhallt í sneiðar
- Penslið brauðsneiðarnar með ólífuolíu (ég notaði chili ólífuolíu á tapenade snitturnar og basil ólífuolíu á pestó snitturnar)
- Ristið í ofni þar til brauðið gyllist örlítið (bara nokkrar mínútur)
- Smyrjið vel af tapenade/pestó á hverja brauðsneið (ég notaði tapenade með sólþurrkuðum tómötum og pestó með basil og parmesan)
- Raðið þá vænni sneið af brie osti, hráskinku/salami og síðan er fallegt að skreyta líkt og í þessum tilfellum með brómberi eða ferskri basiliku.
Ég var að prófa þessar ólífuolíur í fyrsta skipti og mikið svakalega eru þær góðar!
