Gotterí og gersemar

Frozen afmælisþema



6

Tíminn flýgur og brátt er komið ár frá þessari fagurbláu Frozen veislu!

a215

Skottan mín varð 6 ára í mars í fyrra og kom ekkert annað til greina en að hafa aftur Frozen veislu. Í 5 ára bekkjarafmælinu var skellt í örlítið einfaldari útgáfu en þessa svo hér fáið þið enn fleiri hugmyndir fyrir komandi prinsessuafmæli.

alituð266

Myndir úr veislunni birtust í Gestgjafanum fyrr í vetur svo mögulega hafa einhver ykkar nú þegar séð þá umfjöllun.

Það var hún Ingunn hjá Andlitsmálun Ingunnar sem sá um að gera stelpurnar svona fallega skreyttar í framan!

2

Hér fyrir neðan kemur síðan uppskrifta- og myndaflóð fyrir áhugasama!

Frozen glerkaka með Elsu á toppnum

alituð136

Kaka

  • 4,5 bollar púðursykur
  • 1,5 bolli mjúkt smjör
  • 6 egg
  • 3 tsk vanilludropar
  • 4 bollar hveiti
  • 1 ¼  bolli bökunarkakó
  • 1,5 matskeið matarsódi
  • 1 tsk salt
  • 2 bollar súrmjólk
  • 2 bollar sjóðandi vatn
  1. Þeytið saman púðursykur og smjör þar til létt og ljóst.
  2. Bætið eggjunum samanvið, einu í einu, skafið niður á milli.
  3. Þeytið þessa blöndu á háum hraða þar til loftkennd og bætið þá vanilludropunum útí.
  4. Blandið saman þurrefnunum (hveiti, kakó, matarsóda og salti) og blandið saman við til skiptis við sýrða rjómann.
  5. Hrærið á lágum hraða þar til vel blandað og bætið þá sjóðandi vatninu samanvið.
  6.  Skiptið niður í kökuform (hér var notast við 2x 20xm og 2x 14cm form)
  7. Bakið í um 35 mínútur við 170°C eða þar til prjónn kemur hreinn út og kælið botnana.

Súkkulaðikrem á milli botna

  • 250gr smjör (mjúkt)
  • 900gr flórsykur
  • 2 eggjahvítur
  • 3 tsk vanilludropar
  • 5 msk sýróp
  • 6msk bökunarkakó
  1. Setjið öll hráefnin nema flórsykur og kakó í hrærivélarskálina og hrærið vel saman.
  2. Blandið flórsykri og kakó saman og bætið varlega útí blönduna, skafið niður á milli og hrærið þar til kremið er slétt og fellt.

Vanillukrem til að þekja undir sykurmassa

  • 125gr smjör (mjúkt)
  • 500gr flórsykur
  • 1 eggjahvít
  • 2 tsk vanilludropar
  • 2 msk sýróp
  1. Setjið öll hráefnin nema flórsykur í hrærivélarskálina og hrærið vel saman.
  2. Blandið flórsykri saman og bætið varlega útí blönduna, skafið niður á milli og hrærið þar til kremið er slétt og fellt.

Blátt gler

  • 3 ¾ bolli sykur
  • 1 ½ bolli ljóst corn-syrup (fæst í Hagkaup)
  • 1 bolli vatn
  • 1 msk piparmyntudropar  (glærir)
  • Blár matarlitur
  1. Hrærið sykur, sýróp og vatn saman í góðum potti á meðalhita þar til sykurinn er uppleystur.
  2. Hækkið hitann og leyfið að bubbla án þess að hræra í á meðan í nokkrar mínútur.
  3. Hafið skál með klakavatni til hliðar og látið reglulega leka smá sykurblöndu í skálina. Þegar sykurræman sem myndast í vatninu brotnar auðveldlega (er ekki lengur seig) þá er blandan tilbúin (varist að hita of lengi því þá gulnar blandan)
  4. Bætið piparmyntudropum og matarlit útí og blandið vel saman.
  5. Hellið í bökunarskúffu sem hefur verið spreyuð vel með matarolíuspreyi og leyfið að harðna.
  6. Lyftið upp og brjótið niður eftir hentugleika.

Annað

  • 1 fata af hvítum sykurmassa (litið hluta með bláum matarlit)
  • Pappaspjald undir efri botninn
  • Pappastangir/grillpinnar til að halda efri kökunni
  • Lítil Frozen dúkka (þessi keypt í Toysrus)

Samsetning

  1. Takið hvern botn í sundur með kökuskera/tvinna og klippið pappaspjald jafn stórt efri botninum og staðsetjið þá köku á spjaldinu frá fyrsta botni.
  2. Setjið súkkulaðikrem á milli laga og þekjið hvora köku með vanillukremi.
  3. Þekjið þar næst báðar kökurnar með hvítum sykurmassa.
  4. Stingið pinnum í neðri kökuna (þó aðeins svo efri kakan nái að sitja á þeim og þeir nái ekki lengra en kanturinn á þeirri köku og helst aðeins fyrir innan).
  5. Klippið af pinnunum þar til þeir eru jafnháir kökunni (allt í lagi að taka þá upp úr aftur og setja svo niður að nýju).
  6. Leggið efri kökuna (með pappaspjaldið undir) á pinnana.
  7. Útbúið snjókorn með sykurmassastimpli og geymið til hliðar (í nokkrum mismunandi bláum litum og í hvítu).
  8. Útbúið misbláan sykurmassa í 3 tónum fyrir neðri kökuna og mælið ummálið á henni. Rúllið út 2 ræmur af hverjum lit (skerið svo renninga með pizzaskera). Gerið aðeins einn renning í einu og krullið uppá annan endan á þéttum sykurmassasvampi með kúluáhaldi/pinna til þess að útbúa blúndu. Límið svo slétta endann á kökuna með sykurmassalími (smá sykurmassi settur í volgt vatn) og notið pensil til að bleyta í. Lagið blúnduna til eftir þörfum með fingrunum.  Byrjið efst á 2x hvítum og færið ykkur svo alltaf niður og felið samskeytin á milli. Reynið að áætla jafnt bil fyrir hvern lit þar til þið eruð komin alveg niður á kökudisk með síðustu blúnduna í dekksta bláa litnum.
  9. Rúllið þá litlar sykurmassakúlur í mismunandi litum og límið allan hringinn á milli hæða á kökunni til að fela samskeytin og límið snjókorn á efri kökuna.
  10. Stingið bláum brjóstsykri niður þar sem þið kjósið (gott að stinga fyrst í sykurmassann með hníf og setja brjóstsykurinn svo í gatið eins langt niður og þarf til að hann sé stöðugur)
  11. Komið Elsu dúkkunni fyrir á toppnum!

8

Rósakaka

3

  • 2 x Betty Crocker vanillu kökumix og aukahráefni skv.leiðbeiningum á pakka
  • 3  x vanillusmjörkremsuppskrift (sama uppskrift og til að þekja Frozen sykurmassakökuna)
  • Blár matarlitur
  • Sykurmassasnjókorn (afgangur frá Elsukökunni, má sleppa)
  1. Hrærið tvöfalda uppskrift af kökumixi og skiptið jafnt niður í 3 skálar.
  2. Litið 2 hluta með mismiklu af matarlit. Farið varlega með litinn, bara c.a 2 dropa í aðra skálina og svo slatta í þá næstu, munið að lita ekki 1/3.
  3. Bakið í um 20-22cm formum samkvæmt leiðbeiningum á pakka, kælið og skerið ofan af öllum botnunum svo þeir verði jafnir.
  4. Smyrjið kremi á milli laga sem búið er að lita í misbláum lit og þekjið síðan með þunnu lagi af smjörkremi.
  5. Sprautið rósamynstur í 3 mismunandi litum í takt við botnana og notið stút 2D frá Wilton við verkið.

rósakaka

Kökupinnar

Blanda af súkkulaðiköku og vanillukremi dýft í bláan og hvítan Candy melts hjúp. Hvítu pinnarnir skreyttir með bláu glimmeri og þeir bláu með hvítu kökuskrauti.

Kökupinnakonfekt

Súkkulaði kökukúlur settar í konfektmót (sílikonmót) sem búið er að hálffylla með bræddu suðusúkkulaði. Sett í frysti í um 15 mínútur og þá er hægt að taka súkkulaðið með kúlunni úr forminu. Efri hlutanum er þá dýft í Candy melts og skreytt með kökuskrauti.

Mini brownie með marengstopp

Marengstoppar

  • 3 eggjahvítur
  • 3 dl sykur
  • Blár matarlitur
  1. Hitið ofninn 130°C
  2. Stífþeytið eggjahvítur og sykur (þó ekki of mikið því þá springur marengsinn frekar)
  3. Setjið bláan matarlit í blönduna í lokin.
  4. Setjið marengsinn í sprautupoka með stórum stjörnustút.
  5. Sprautið hæfilega stóra toppa á bökunarplötu klædda með bökunarpappír og bakið í um 30 mínútur (leyfið að kólna í ofninum svo þeir springi/falli síður). Hægt er að útbúa toppana með fyrirvara og geyma vel plastaða á þurrum stað.

Brownies

  • 50gr smjör við stofuhita
  • 200gr suðusúkkulaði (bráðið)
  • 1 bolli sykur
  • 2 tsk vanilludropar
  • ¼ tsk salt
  • 1 msk bökunarkakó
  • 2 egg
  • 2 msk volgt vatn
  • 2/3 bolli hveiti
  • 500ml þeyttur rjómi (á milli brownie og marengs)
  1. Hitið ofninn 175 gráður
  2. Þeytið saman smjör og sykur þar til létt og ljóst.
  3. Bætið eggjum og vanilludropum samanvið og skafið niður á milli.
  4. Næst fer bráðið súkkulaðið í blönduna og að lokum öll þurrefnin.
  5. Hrærið rólega þar til allt er vel blandað og varist að vinna deigið ekki of lengi.
  6. Spreyið mini-cupcakes álform vel með PAM og skiptið niður í um 20-24 mini-brownies
  7. Bakið í um 15 mínútur eða þar til prjónn kemur út aðeins með smá kökumylsnu á en ekki blautu deigi.
  8. Kælið þar til þið náið að snúa og lyfta hverri köku úr fyrir sig og færa á kæligrind/bökunarpappír.
  9. Setjið rjómann í sprautupoka með stórum hringlaga stút og sprautið á hverja brownie.
  10. Setjið marengsinn þar næst ofan á og hægt er að strá kökuskrauti í rjómann ef vill.
  11. Hægt er síðan að setja afgangs marengstoppa í skálar sem snarl.

Bollakökuís

  • Súkkkulaðikaka sem ykkur þykir góð bökuð í ísformum.
  1. Ísformin sett í bollakökuform úr áli, álpappír settur neðst meðfram svo þau velti ekki í ofninum og vel af kökudeigi í hvert form, bakað saman í ofninum og kælt.
  2. Smjörkrem sprautað á með stórum hringlaga stúti og sett stutta stund í kæli.
  3. Hvítt súkkulaði brætt og hellt yfir toppinn á kreminu, leyfið að leka örlítið niður.
  4. Skreytið með kökuskrautu og M&M áður en súkkulaðið harðnar.

Mini bollakökublóm

Súkkulaði bollakökur skreyttar með smjörkremi sem búið er að lita aðeins við grennri endann á stút no 125 frá Wilton. Kreminu sprautað í blóm og skreytt með sykurperlu og kökuskrauti.

1

Blúndubollakaka

Súkkulaðikaka skreytt með smjörkremi sem sprautað er á með stút númer 2D frá Wilton, kökuskraut og hvít piparmyntukúla á toppinn (yfirleitt til hvítar, bleikar og grænar í nammibarnum í Hagkaup).

Rice Krispies

Sú uppskrift sem ykkur þykir góð, finnið eina góða hér í umfjöllun.

5

Ískex

Hluta af ískexi dýft í blátt Candy Melts. Súkkulaðið látið leka af eins og unnt er og svo er kexið lagt á bökunarpappír og skreytt með skrautsykri/kökuskrauti.

Makkarónur

Þessi uppskrift hér nema bláar með vanillusmjörkremi (sama kremuppskrift og fyrir kökurnar) og kökuglimmeri stráð yfir.

7

Sykurpúðar 

Sykurpúðum dýft í blátt Candy Melts á priki og kökuskrauti stráð yfir.

Frozen krúsir

Frosh flöskur skreyttar með útprentuðum Frozenmyndum af Pinterest, blá papparör og búið að setja bláan matarlit í Sprite Zero til að gera „jökulvatn“

4

 

Leave a Reply

Your email address will not be published. Required fields are marked *

Fylgstu með á Instagram