Gotterí og gersemar

Sænskar súkkulaðikúlur



Það var kortér í jól og stelpunum langaði að baka. Þegar þær stungu upp á því að gera kókoskúlur fannst mér sú hugmynd frábær þar sem það er fljótlegt, einfalt og gott og tíminn var af skornum skammti. Við fórum á netið og skoðuðum nokkar uppskriftir og enduðum á að sjá svo fallegar súkkulaðikúlur á  heimasíðunni Passion for Baking og ákváðum því að fara þá leiðina í þetta skiptið enda eru sænskar súkkulaðikúlur mjög líkar kókoskúlum hvað uppskrift varðar. Það er hins vegar sýróp í þeim og svo fengum við þá hugmynd líka af síðunni að dýfa þeim í annað en bara kókosmjöl.

Sænskar súkkulaðikúlur uppskrift

  • 260 gr haframjöl
  • 200 gr smjör (við stofuhita)
  • 40 gr sykur
  • 40 gr púðursykur
  • 60 gr bökunarkakó
  • 150 gr kornsýróp (ljóst)
  • 1 msk sterkt kaffi
  • 2 tsk vanillusykur
  • Kókosmjöl og sykurskraut til að velta upp úr

  1. Þeytið saman smjör, báðar tegundir af sykri og sýróp þar til létt og ljóst.
  2. Setjið allt annað saman við og blandið rólega saman þar til jafnt og þétt.
  3. Rúllið í litlar kúlur, veltið upp úr kókosmjöli, súkkulaðiflögum eða hvítum sykurperlum.
  4. Raðið á bakka og kælið þar til stífnar.

Leave a Reply

Your email address will not be published. Required fields are marked *