Mig langaði að prófa mig frekar áfram í ísgerð og gerði þessa ísköku sem „seinni eftirrétt“ á aðfangadag eftir að sælgætisísinn heppnaðist svo vel um daginn. Þessi kaka var ferskari og mikið sem það passaði vel að brytja marzipanstykkin út í.
Brómberja og marsipan ís uppskrift
- 6 egg aðskilin
- 130gr sykur
- Fræ úr einni vanillustöng
- ½ l þeyttur rjómi
- 100 gr saxað Toblerone
- 200 gr Anthon Berg marzipan stykki (5 x 40gr) skorin í litla bita + 1-2 stk til skrauts
- 250 gr maukuð brómber + meira til skrauts
- 50 gr suðusúkkulaði til skrauts
- Þeytið saman eggjarauður og sykur þar til létt og ljóst.
- Bætið vanillunni út í og blandið vel.
- Vefjið þeytta rjómanum því næst varlega saman við eggjarauðublönduna.
- Setjið saxað Toblerone og marzipanbitana saman við.
- Stífþeyttum eggjahvítum því næst vafið vel saman við með sleikju.
- Að lokum er maukuðum berjum blandað út í, varist að blanda of vel, fallegt að hafa marmaraáferð á berjablöndunni í ísnum.
- Öllu hellt smelluform um 22 cm í þvermál.
- Plastið ísinn vel og frystið helst í sólarhring og berið síðan fram með þeyttum rjóma og brómberjasósu.
- Skreytið með bræddu suðusúkkulaði, berjum og niðurskornu marzipanstykki.
Brómberjasósa
- 150 ml vatn
- 150 gr sykur
- 125 gr brómber
- Smá sítrónusafi
- Setjið vatn, sykur og brómber saman í pott og sjóðið við vægan hita í um 10 mínútur og kremjið berin vel.
- Sigtið þá berin frá, setjið smá sítrónusafa saman við og kælið. Sósan þykknar örlítið við að kólna og berið hana fram með ísnum ásamt þeyttum rjóma.
Í jólagjöf fékk ég síðan ísgerðarskál á hrærivélina mína svo það mun ekki líða á löngu áður en ég prófa enn eina ístegundina með þeirri aðferð. Stundum finnst mér ísinn kristallast aðeins við hefðbundnu aðferðina svo það verður spennandi að prófa að gera hann í ísgerðarskálinni.
